QAT erməni boksçularının Bakıya gəlməsinə qarşı aksiya keçirdi
Bütün Xəbərlər
23:19 26.09.2011
1280
Qarabağ Azadliq Təşkilatının erməni boksçularının Bakıda beynəlxalq yarışa qatılmasına qarşıetiraz aksiyası keçirib. Aksiya boks yarışlarının keçirildiyi Heydər Əliyev adına İdman və Konsert Kompleksinin qarşısında baş tutub. Aksiya iştirakçıları erməni idmançıların dərhal yarışları və Bakını tərk etmələrini tələb ediblər, “İdmançı adı ilə gələn erməni terrorçuları rədd olsun!”, “İşğalçı Ermənistana idmanda yer yoxdur!”, “Ya Qarabağ, Ya Ölüm!” yazılmış plakatlar qaldırıb, şüarlar səsləndiriblər.Polis aksiyanı dağıdıb, aksiya iştirakçılarından İlqar Əliyev, Rasim Əlizadə, Nəsib Cəfərov və digərləri saxlanılaraq 20-ci polis bölməsinə aparılıblar. Aksiyada qəbul edilmiş bəyanat kompleksin nümayəndəsinə təqdim olunub.QAT-dan ANS PRESS-ə daxil olan məlumata görə, aksiya iştirakçılarının bəyanatında deyilir:"Biz işğalçı Ermənistanın hər hansı nümayəndəsinin, o cümlədən idmançılarının Azərbaycanda keçirilən beynəlxalq tədbirlərə qatılmasına qəti şəkildə etiraz edirik. Nə qədər ki, torpaqlarımız işğal altındadır və Ermənistanın rəhbərləri zəbt etdikləri ərazilərdən çıxmayacaqları ilə bağlı həyasız bəyanatlar verirlər, nə qədər ki, cəbhə bölgəsində əsgərlərimiz erməni gülləsindən şəhid olurlar və ermənilər dinc əhalini, hətta uşaqları snayper gülləsi, partlayıcı quraşdırılmış oyuncaqlarla qətlə yetirməkdən çəkinmirlər, nə qədər ki 4 mindən artıq soydaşımız hələ də erməni əsrliyindədir və 20 mindən artıq şəhidimizin qisası hələ də alınmayıb, bu cür səfərlərə, gediş gəlişlərə qətiyyən yol vermək olmaz. Ermənilər heç nə olmamış kimi sərbəst şəkildə ölkəmizə gələ, burada hər hansı tədbirdə iştirak edə bilməzlər. Bu, hər bir azərbaycanlı üçün təhqirdir. Erməni bizim qan düşmənimizdir. Bu qanın üstündən keçmək olmaz. Bunu hər kəs bilməlidir".QAT bəyan edib ki, beynəlxaq mərkəzlər bu yolla Azərbaycanı işğalçı Ermənistan qarşısında təslimçiliyə təhrik edirlər.
