Mayın 10-da Astanadakı L.Qumilyov adına Avrasiya Milli Universitetində ümummilli lider Heydər Əliyevin anadan olmasının 89-cu ildönümü qeyd ediləcək. Bu barədə çərşənbə axşamı Trend-ə Azərbaycanın Qazaxıstandakı səfiri Zakir Həşimov bildirib.
"Asatanadakı L.Qumilyov adına Avrasiya Milli Universitetində Heydər Əliyevin ad günü qeyd ediləcək. Bu tədbir Azərbaycanın Astanadakı səfirliyinin təşəbbüsü ilə keçirilir", - Həşimov deyib.
Onun sözlərinə görə, tədbirdə Qazaxıstanın əsas ali məktəbinin tələbələri, professorlar, Astanadakı Azərbaycan diasporunun nümayəndələri, Məclisin deputatları, habelə "Azərbaycan-Qazaxıstan" Dostluq Assosiasiyasının üzvləri iştirak edəcəklər.
"Tədbir çərçivəsində, həmçinin Vaqif Mustafayevin Heydər Əliyevin Mixail Qorbaçovla münasibətləri əks olunan "Bir həsədin tarixi" sənədli filmi nümayiş etdiriləcək", - diplomat qeyd edib.
