Qırğızıstanın dövlət xəbər agentliyində Azərbaycanla bağlı məqalə: ""Orta Dəhliz" bizim ortaq dəyərimizdir"

 

AZXEBER.COM xəbər verir ki, yazıda Azərbaycan və Qırığız Respublikasının siyasi, iqtisadi əlaqələri və bu əlaqələrin yeni erasının başlanğıcı olan "Orta Dəhliz"lə bağlı geniş araşdırma öz əksini tapıb.

 

Yazıda ilk olaraq iki ölkə arasında olan əlaqələrdən geniş bəhs olunub. Belə ki, Azərbaycan və Qırğızıstan arasındakı əlaqələr, siyasi, iqtisadi, mədəni və sosial sahələrdə güclənməkdə olduğu, bu əlaqələrin qarşılıqlı hörmətə və dostluğa əsaslandığı xüsusi vurğulanıb.

 

Yazıda həmçinin bildirilib ki, Azərbaycan və Qırğızıstan arasında siyasi və iqtisadi əlaqələrin inkişafı üçün güclü iradə formalaşıb. 

Münasibətlərin uğurlu təməlinin ulu öndər Heydər Əliyev tərəfindən qoyulduğu, prezident İlham Əliyev tərəfindən yüksək diqqətdə saxlanıldığı qeyd edilib. 

Bildirilib ki, Azərbaycan və Qırğızıstan həmçinin regional təhlükəsizlik məsələlərində də əməkdaşlıq edirlər. Hər iki ölkə, Orta Asiya regionunda və ümumiyyətlə, beynəlxalq təhlükəsizlik məsələlərində qarşılıqlı dəstək verməyə çalışırlar.

Araşdırmada Azərbaycan-Qırğızıstan dostluğunun əsas simvollarından birinə çevrilmiş Asiya ilə Avropanı birləşdirən trans-Xəzər Beynəlxalq Nəqliyyat Dəhlizinin davamı olan Orta Dəhliz nəqliyyat dəhlizi ilə bağlı da geniş məlumat verilb. Burada dəhlizin son illərdə nəzərəçarpacaq sürətli və təhlükəsiz fəaliyyəti ilə bağlı iqtisadi göstəricilər oxucuların diqqətinə çatdırılıb. 

Yazı Qırğızıstan mediası tərəfindən də maraqla qarşılanıb və bir çox qırğız media orqanlarında "KABAR"a istinadla dərc edilib.

Qeyd edək ki, "Kabar" Qırğızıstanın rəsmi xəbər agentliyidir və ölkənin ən böyük informasiya mənbələrindən biridir. 1992-ci ildə təsis edilmiş bu agentlik, Qırğızıstanda və beynəlxalq aləmdə baş verən mühüm hadisələr haqqında xəbərlər təqdim edir.