Hər zaman xeyirxah əməllər həyata keçirən, minlərlə insana maddi və mənəvi dəstək göstərən, "Qırmızı Ürəklər” ("Red Hearts”) Fondu STP şirkətlər qrupunun dəstəyi ilə 31 dekabr – Dünya Azərbaycanlılarının Həmrəylik günü və Yeni İl ərəfəsində şəhid və qazi ailələri üçün ənənəvi "Tarix yazan qəhrəmanlar” aksiyasını keçirdi.
AZXEBER.COM xəbər verir ki, aksiya çərçivəsində Qarabağ müharibəsinin 220 qazi və şəhid ailəsi ziyarət edilib və bayram hədiyyələri təqdim olunub. Sumqayıtda həyata keçirilən aksiyada "Qırmız Ürəklər”in, STP-nin və Kapital Bank-ın könüllüləri iştirak edib. "Tarix yazan qəhrəmanlar” aksiyası ötən illərdə də bayram ərəfəsində keçirilib.
"Qırmızı Ürəklər” Fondu 2019-cu ildə Kapital Bank-ın könüllü əməkdaşlarının təşəbbüsü ilə yaradılıb. Hazırda Fond kimi fəaliyyətini davam edən təşkilat, əsasən uşaq evlərinə, sığınacaqlara və digər ehtiyacı olanlara yardımlar edir. https://redhearts.az saytına daxil olmaqla fondun fəaliyyəti, gördüyü xeyirxah işlər, gələcək planları və digər maraqlı məlumatları əldə etmək, həmçinin "Cəmiyyət” bölməsinə daxil olub ianələr etmək olar.
