Yoluxucu infeksiyalar, xüsusilə tənəffüs yollarını əhatə edən xəstəliklər, qış aylarında daha sürətlə yayıla bilər. Havanın soyuq olması, rütubətin artması və gün işığının azalması bu xəstəliklərin yayılmasını sürətləndirən əsas amillərdən hesab olunur.
AZXEBER.COM türk mediasına istinadən xəbər verir ki, mütəxəssislər immunitet sisteminin gücləndirilməsi üçün bir sıra məsləhətlər verirlər.
Onlar bildirirlər ki, soyuq hava və gün işığının azalmasına baxmayaraq, hərəkəti dayandırmamaq və açıq havada idmanı davam etdirmək tövsiyə olunur. Eyni zamanda, pəhrizi ağır yeməklərlə yükləmək, təravətli məhsulların azalması bağırsaq mikroflorasının zəifləməsinə və nəticədə immun sisteminin zəif düşməsinə səbəb ola bilər.
İdeal çəkidə qalmaq da böyük əhəmiyyət daşıyır. Araşdırmalara görə, artıq çəkisi olan şəxslərdə yoluxucu xəstəliklərə tutulma riski 10 faizdən çox artır. Bundan başqa, alkoqolun qəbulu bağırsaq divarını zəiflədərək iltihablanmaya və immun sisteminin zəifləməsinə gətirib çıxarır.
Şahanə Ziyad
