Türkiyənin tanınmış müğənnisi Rafet El Roman 8 mart Beynəlxalq Qadınlar Günü münasibəti ilə Bakıda pulsuz konsert verib.APA-nın məlumatına görə, konsertdən əvvəl jurnalsitlərlə görüşən sənətçi, yerli mətbuatın suallarını cavablandırıb. Sənətçi Bakıda çox böyük inkişafın olduğunu deyib və şəhərə hər gəlişində məmnun olduğunu ifadə edib: “Bu şəhər mənə çox doğmadır. Hər gəlişimdə buranı daha çox sevirəm, çünki bu ölkə qardaşlıq ölkəsidir. Doğrudur, bu dəfə səfərim daha qısa olacaq, amma gəldiyimdn bəri şəhərin müxtəlif yerlərini gəzməyə müvəffəq olmuşam. Bu şəhəri gəzməyi sevirəm”.Hazırda oğlu və həyat yoldaşı ilə Almaniyada yaşadığını deyən müğənni bundan sonra bütün maqazin verilişlərindən uzaq duracağını söyləyib: “Maqazin verilişlərindən uzaq durmaq istəyirəm. Qarmaqarışıq həyatdan bir az uzaq və məsafəli durmağa çalışıram. Artıq yetər. 18-20 ildir sənətdəyəm. İstəyirəm ki, bundan sonra insanlar Rafet el Romanı mahnılarda, onun yaratdığı əsərlərdə xatırlasınlar. Artıq bu məsələyə son dərəcə diqqətli davranıram”.
