Bu gün AMEA-nın Humanitar və İctimai Elmlər bölməsinin Elmi Şurasının iclası keçirilib.
AZXEBER.COM xəbər verir ki, iclasda tarix üzrə elmlər doktoru, professor Kərim Şükürov səsvermə yolu ilə AMEA-nın A.A.Bakıxanov adına Tarix İnstitutunun baş direktoru seçilib.
İclasda seçkinin nəticələrinin təsdiqlənməsi üçün AMEA Rəyasət Heyətinin qarşısında vəsatət qaldırılması barədə də qərar qəbul olunub.
Qeyd edək ki, bir müddət əvvəl Yaqub Mahmudov Tarix İnstitutunun baş direktoru vəzifəsindən azad edilib.
14.50
Tarix elmləri üzrə professor Kərim Şükürovun AMEA-nin Tarix İnstitutuna direktor seçilməsi barədə xəbərlər yayılıb.
"Qafqazinfo” məsələ ilə bağlı K.Şükürovla əlaqə saxlayıb. O bildirib ki, institut direktoru seçilmək üçün müəyyən prosedurlar var:
"Həmin prosedurlar mərhələlərlə həyata keçirilir. Mən prosedurlardan müəyyən qismini keçmişəm. Rəyasət Heyəti bu məsələ ilə bağlı iclas keçirməlidir. İclas hələ baş tutmayıb”.
Qeyd edək ki, bir neçə gün öncə Yaqub Mahmudov Tarix İnstitutunun baş direktoru vəzifəsindən azad edilib.
