Hadisə Şəki rayonu ərazisində qeydə alınıb
Baş Dövlət Yol Polis İdarəsi Şəki rayonu ərazisində baş verən ağır yol qəzası ilə bağlı rəsmi məlumat yayıb. ANS PRESS-in məlumatına görə, məlumatda bildirilir ki, hadisə 5 dekabr 2011-ci il tarixdə saat 14:20 radələrində Yevlax-Zaqatala-Gürcüstan sərhədi yolunun Şəki rayonu ərazisindən keçən 58-ci km-də qeydə alınb. 1960-cı il təvəllüdlü Bakı şəhər sakini Əfraimov Teymur İbrahimoviçin idarə etdiyi “Mazda GX-9” markalı, 10-OM-090 dövlət qeydiyyat nişanlı avtomobil Şəki rayonu istiqamətində hərəkətdə olarkən 1961-ci il təvəllüdlü Balakən rayon sakini, Kərimov Vaqif Yusif oğlunun idarə etdiyi “BMV-730” markalı, 99-BC-699 dövlət qeydiyyat nişanlı avtomobillə toqquşub. Qəza nəticəsində hər iki sürücü və “Mazda GX-9” markalı avtomobilin sürücüsü ilə eyni ünvanda yaşayan sərnişini, 1953-cü il təvəllüdlü Əfraimova Lyudmila İbrahimovna hadisə yerində ölüblər. Milli.az-ın Kanal S televiziyasına istinadən verdiyi məlumata görə, şahidlərinin bildirdiklərinə və toplanan məlumatlara görə, hadisə yerində ölənlərdən Balakən rayon sakini Kərimov Vaqif Yusif oğlu Balakən rayonunun sosial müdafiə fondunun rəhbəridir. **** 2011-12-05 16:20 Şəkidən Qaxa gedən yolda ağır yol-nəqliyyat hadisəsi baş verib. Baş Dövlət Yol Polis İdarəsindən ANS PRESS-ə verilən məlumata görə, BMW markalı 10 OM 090 dövlət nömrə nişanlı avtomobil ilə “Mazda” markalı 99 BC 699 dövlət nömrə nişanlı avtomobil toqquşub. Hadisə nəticəsində 1 nəfər ölüb, 2 nəfər ağır yaralanıb. Yol Polisi Xidmətinin inspektoru Qorxmaz Əhmədovun ANS PRESS-ə verdiyi məlumata görə, xəsarət alanlardan birinin vəziyyəti olduqca ağırdır. Qeyd edək ki, faktla bağlı araşdırma aparılır. Hələlik hadisənin nə səbəbdən baş verdiyi məlum deyil.
