Piriyev zorlamada şübhəli bilinir.
Rusiyanın Novosibirsk şəhərinin polisləri bütün ölkə üzrə 24 yaşlı Azərbaycan vətəndaşı Xanəli Piriyevi axtarırlar.
Rusiya mətbuatına istinadən xəbər verir ki, o, zorlamada şübhəli bilinir.
Rusiya Təhqiqat İdarəsinin regional bölməsinin məlumatına görə, şübhəli şəxs cinayəti iyunun 14-də, doğum günündən dərhal sonra edib. Lakin polislər baş vermiş hadisə haqqında yalnız indi məlumat yayıblar, istintaq maraqları çərçivəsində digər təfərrüatlar açıqlanmır.
Xanəli Piriyevin əlamətləri: boyu 182 sm, qarabəniz, bədən ölçüləri orta, saçları qara rəngdə. Cinayət törədən vaxt qara cins şalvar, qəhvəyi rəngli dəri gödəkçə və ağ rəngli köynəkdə olub.
Polislər bu şəxs barədə məlumatı olanlardan Rusiyanın Novosibirsk vilayətinin Barabinsk rayonlararası istintaq şöbəsinə müraciət etmələrini xahiş edirlər. Əlaqə telefonları: 8-383-61-23598; 8-383-61-22000 yaxud 203-57-39. Anonimliyə zəmanət verilir.//oxu.az
