Ağılla yox, ürəklə sevdiyim üçün bir çox münasibətlərdə yanılmışam. Ağılla hərəkət etsəydim, indi taksidə gəzməzdim, maşınım və ya evim olardı. Sənəti olmayan bir çoxları kimi konsertlər verə bilərdim, Əməkdar və Xalq artisti adını alardım.
AZXEBER.COM xəbər verir ki, bu sözləri müğənni Mina Hüseyn İsa Şükürovun "Senzurasız SHOW NEWS” verilişində qonaq olarkən deyib. Müğənni bildirib ki, hər gün saysız sevgi təklifləri alır:
"Münasibət qururam, danışıram, artıq buynuzları çıxanda bilirəm ki, bu insan mənə aid deyil, bu insanda heç bir ciddiyyət yoxdur. İstəmədiyinə görə, mən də uzaqlaşmağa məcbur oluram. Artıq ağıllanmışam, çalışıram ki, sənətimlə məşğul olum. Başqa hər hansı münasibət haqqında düşünmürəm. Hazırda həyatımda heç kim yoxdur. O insanın ciddi, sağlam ruhlu və düşüncəli olduğunu hiss etsəm, eyni zamanda mənə sahib çıxmaq istədiyini görsəm və onun yanında özümü əsl xanım hiss etsəm, kiməsə şans verə bilərəm”.
Müğənni evli kişi ilə münasibət quran həmkarları haqqında sərt fikirlər irəli sürüb:
"Bu insanları özümə həmkar hesab etmirəm və onlardan iyrənirəm. Həm bu söhbətlərdən, həm də onlardan iyrənirəm. Bu, sadəcə şou-biznesin deyil, bütün qadınların adına ləkədir. Şəxsi həyatda heç birimiz sığortalanmamışıq, amma bunu çıxıb fəxarət hissilə danışmaq ayıbdır”.
O, sinəsini göstərməsi ilə bağlı suala isə "Sinəm var ki, göstərirəm. Sağ əlim sinəsi olmayanların başına" cavabını verib.
