Oktyabrın 28-də Marsol Group və İş Adamları Cəmiyyətinin Milli Assosiasiyasının (İCMA) təşkilatçılığı, sahibkarların iştirakı ilə 44 günlük Vətən müharibəsində qazanılmış Zəfərə həsr olunan "44” bədii filminin xüsusi nümayişi keçirilib.
AZXEBER.COM xəbər verir ki, tədbirdə İCMA İdarə Heyətinin sədri və Marsol Group-un təsisçisi Tural Mustafayev, eləcə də Milli Məclisin deputatı Vüqar İskəndərov çıxış ediblər. Çıxışlar zamanı 44 günlük Vətən müharibəsində qazanılan tarixi Zəfərin əhəmiyyəti, qəhrəmanlarımızın şücaəti və Zəfər tariximizin gələcək nəsillərə çatdırılmasının vacibliyi vurğulanıb. Həmçinin "44” bədii filminin ideyası və ekran əsərinin ərsəyə gəlməsi prosesi barədə məlumat verilib.
İştirakçılar Zəfər tariximizi və qəhrəmanlıq salnaməmizi əks etdirən filmi birlikdə izləyərək Vətən müharibəsinin unudulmaz anlarını bir daha xatırlayıblar.
Zəfər tariximiz qürurumuz, qəhrəmanlarımız əbədi yaddaşımızdır!
