AZXEBER.COM xəbər verir ki, nazirliyin açıqlamasında qeyd olunub ki, Abbasın səfəri çərçivəsində Cənubi Kip lideri Nikos Xristodulidis ilə keçirəcəyi görüşdə Kipr məsələsinin də müzakirə olunacağının elan edilməsi diqqətlə izlənilib.
Açıqlamada vurğulanıb ki, Kipr türk xalqı Fələstin xalqının öz müqəddəratını təyin etmək hüququnu və qanuni mübarizəsini hər zaman səmimi şəkildə dəstəkləyib.
"Bu güclü tarixi həmrəylik fonunda Şimali Kipr Türk Cümhuriyyətinin qanuni hüquq və həssaslıqlarının nəzərə alınacağına dair gözləntimizi vurğulamaq istərdik”, – deyə bildirilib.
ŞKTC XİN Mahmud Abbasın Kipr türk xalqını nəzərə almadan həyata keçirəcəyi səfərin təəssüf doğurduğunu qeyd edib.
Açıqlamada bildirilib: "Kipr türk xalqının Fələstinin öz müqəddəratını təyin etmək hüququna və qanuni mübarizəsinə hər zaman verdiyi dəstəyə baxmayaraq, Abbasın Kipr türk xalqını yox sayaraq həyata keçirəcəyi bu səfər təəssüflə qarşılanıb”.
