Səbail Rayon İcra Hakimiyyətinin Müdafiə Nazirliyi ilə birgə Qusarda təşkil etdiyi “Gənc Heydərçilər” hərbi-vətənpərvərlik təmayüllü yay düşərgəsinin iştirakçıları Xaçmaz şəhərində olublar.
İcra Hakimiyyətindən AZXEBER.COM-a verilən məlumata görə, layihə iştirakçıları əvvəlcə açıq səma altında yaradılan Şəxsiyyətlər Muzeyi ilə yaxından tanış olublar.
Xaçmaz rayonu ilə tanışlığı davam etdirən düşərgə iştirakçıları Heydər Əliyevin şəhərin mərkəzində ucaldılan abidəsini ziyarət ediblər.
Sonra Heydər Əliyev Mərkəzində olan layihə iştirakçılarına mərhum prezidentin həyatı, ölkənin inkişafı naminə gördüyü işlər barədə ətraflı məlumat verilib.
Düşərgə iştirakçıları Xaçmaz şəhərindəki parkları gəzib, xatirə fotoşəkilləri çəkdiriblər.
Ertəsi gün “Gənc Heydərçilər” hərbi-vətənpərvərlik təmayüllü yay düşərgəsinin iştirakçıları Qusardakı “Şahdağ” Turizm Mərkəzində olublar. Uşaqlar mərkəzdəki yay əyləncələrindən istifadə edib, onlar üçün böyük konsert proqrammı təşkil olunub.
Konsert proqramı möhtəşəm atəşfəşanlıqla başa çatıb.
