"Libraff” kitab evində tanınmış tərcüməçi və şairə Sədaqət Əhmədovanın "Könüllərin sultanı" şeirlər kitabının təqdimatı baş tutub.
AZXEBER.COM xəbər verir ki, təqdimat mərasimində şairənin yaxınları, sənət dostları və oxucuları iştirak edib.
Sədaqət Əhmədova ilk şeirlər kitabı olan "Könüllərin sultanı” haqda ətraflı məlumat verib.
Daha sonra tədbirdə qonaqlar çıxış edib, müəllifin şeirləri səsləndirilib.
Qeyd edək ki, "Könüllərin sultanı" S.Əhmədovanın ilk kitabıdır. Kitaba vətənpərvərlik şeirləri ilə yanaşı dünya, həyat, insan münasibətləri haqqında düşüncələri əks etdirən və sevgini tərənnüm edən şeirlər daxildi
Vətən müharibəsində ən çox səslənən musiqilərdən olan "Torpağına canım qurban, Azərbaycan) mahnısının sözləri Əhmədovaya məxsusdur.
Rus ədəbiyyatının ən gözəl nümunələrindən olan "Allah olmaq çətindir" əsəri, xalq yazıçısı Çingiz Abdullayevin 10-dan artıq kitabı, Qaraqanın "Art və Xaos" romanı, gənc yazıçı E.Səfərlinin, tədqiqatçı alim C.Həsənzadənin, dövlət xadimi, tarix elmləri doktoru Həsən Həsənovun əsərləri onun tərcüməsində nəşr olunub.
