İsveçin Azərbaycandakı səfiri Mikael Eriksson bu ölkəni “Eurovision -2012” təmsilçisi Lorinin səhnədə siyasi bəyanatlar səsləndirməsini istəyib. APA-nın məlumatına görə, səfir Mərakeş əsilli müğənni Lorindən Azərbaycanla bağlı çağırışlar etməsini xahiş edib. Lakin müğənni “Eurovision”un mədəni tədbir olduğunu, səsinin siyasi proseslərdə vasitə olmaq istəmədiyini deyərək, bu təklifdən imtina edib. Bəzi məlumatlara görə, səfirlə müğənninin görüşündə İctimai Palatanın təmsilçiləri kimi İsa Qəmbərlə Əli Kərimli də iştirak edib.
