Ötən gün Şəkidə gənc oğlanı ilan sancıb. ANS PRESS-in bölgə müxbirinin verdiyi məlumata görə, Baltalı kəndində yaşayan 1989-cu il təvəllüdlü Yavər Hüseyn oğlu Rəhimovu evində ilan vurub.Hadisə 25 yaşlı gənc həyətdə işləyən zaman baş verib. Yavər Rəhimovu ayağından ot tayalarının yanında gürzə ilanı sancıb.Ağır xəsarət alan Yavər Rəhimov xəstəxanaya yerləşdirilib. Həkimlərin səyi nəticəsində gəncin həyatı xilas olunub. Hazırda onun vəziyyəti orta-ağırdır.
