“Axundlar bununla bağlı məlumatları cavanların diqqətinə çatdırmalıdırlar”.
Azərbaycan məscidlərində Xocalı soyqırımı ilə bağlı xütbələr oxunacaq.
AZXEBER.COM AzNews.Az-a istinadən xəbər verir ki, bu barədə Qafqaz Müsəlmanları İdarəsinin (QMİ) sədri şeyxulislam Allahşükür Paşazadə bu gün QMİ-də Xocalı soyqırımının 22-ci ildönümü ilə əlaqədar keçirilən tədbirdə bildirib.
QMİ sədri Azərbaycanda fəaliyyət göstərən məscidlərin axundlarına müracət edərək bildirib ki, Xocalı soyqırımının 22-ci ildönümü ilə əlaqədar axundların da üzərinə vəzifə düşür:
“Axundlar öz moizələrində Xocalı soyqırımına geniş yer ayırsınlar. Çünki cavan nəslimiz var ki, 22 yaşında Xocalı soyqırımı ilə bağlı ətraflı məlumatı yoxdur. Bu üzdən də axundlar Xocalı soyqırımı ilə bağlı məlumatları ictimaiyyətin, xüsusilə də cavanların diqqətinə çatdırmalıdırlar”.
