Şirvanda zavod partladı, 19 nəfər yaralandı – İcra başçısı isə xaricdə istirahət edir

Şirvan şəhərinin icra hakimiyyətinin başçısı Mərdan Camalov hazırda Azərbaycanda yoxdur. AZXEBER.COMxəbər verir ki, bu barədə "Report"a icra hakimiyyətindən məlumat verilib. Bildirilib ki, icra hakimiyyətinin başçısı hazırda məzuniyyətdədir və ölkədən kənardadır: "Azərbaycan Müdafiə Sənayesi Nazirliyinin (MSN) Telemexanika Zavodunda partlayış baş verən əraziyə icra hakimiyyəti başçısının birinci müavini Samit Hacıyev gedib". Qeyd edək ki, iyulun 6-da Telemexanika Zavodunda sexlərdən birində baş verən partlayış nəticəsində sexin tavan hissəsi çöküb. İlkin məlumata görə, hadisə nəticəsində bir nəfər ölüb, 19 nəfər xəsarət alıb. Hadisənin baş vermə səbəbləri araşdırılır.