Son dəqiqə! Ermənistan 'Eurovision-2012' müsabiqəsində iştirak etməyəcək

MƏDƏNİYYƏT
04:24 24.02.2012
3788

Ermənistanın bir qrup müğənnisi Bakıda keçiriləcək “Eurovision-2012” mahnı müsabiqəsində iştirakdan imtina etdikləri barədə bəyanat veriblər.

AZXEBER.COM-un news.am saytına istinadən verdiyi məlumata görə, bəyanat Ermənistanın ictimai televiziyasına və Avropa Yayım İttifaqına ünvanlanıb. 

Bəyanatda deyilir ki, fevralın 23-də Ermənistan və Azərbaycan qoşunlarının təmas xəttində fevralın 23-də 20 yaşlı erməni əsgəri Albert Adibekyan öldürülüb. Müğənnilər bildirirlər ki, Dağlıq Qarabağ münaqişəsinin nizamlanmasında vasitəçilik edən ölkələr dəfələrlə təmas xəttindən snayperlərin geri çəkilməsinə dəfələrlə çağırış ediblər: “Erməni tərəfi hər zaman bəyan edib ki, bu addıma hazırdır. Görünür, Azərbaycan bu təklifi qəbul etmir və istənilən bəhanədən erməni qanı axıtmaq üçün istifadə edir. Biz bəyan edirik ki, Bakıdakı “Eurovision” müsabiqəsində iştirakla bağlı ciddi narahatlıqlarımız var”. Müğənnilər bildirirlər ki, “Eurovision-2012” mahnı müsabiqəsində iştirakdan imtina edirlər. Onlar bəyan edirlər ki, Azərbaycanda ermənilərə qarşı nifrət mövcuddur. Siyasi yükü daha çox olan bəyanatda o da deyilir ki, başqa ölkələrin vətəndaşları olan ermənilərin də Azərbaycana daxil olmasına imkan verilmir. Guya, Ermənistan nümayəndə heyətinin hər bir üzvünü 2004-cü ildə Budapeştdə Ramil Səfərov tərəfindən qətlə yetirilmiş Qurgen Markaryanın aqibəti gözləyə bilər.Bəyanatda qeyd olunub ki, azərbaycanlılar ermənilərin başına müsibətlər gətirib. Guya Sumqayıtda, Kirovabadda, Bakıda, Mingəçevirdə ve Marağada yüzlərlə erməni öldürülüb. Həmçinin azərbaycanlılar Dağlıq Qarabağda dinc sakinlərə qarşı vəhşilik törədib. Müğənnilər Ermənistanın ictimai televiziyasını Bakıdakı müsabiqəyə təmsilçi göndərməməyə çağırırlar. Bu azmış kimi, onlar iştirakları üçün Avropa Yayım İttifaqı qarşısında müsabiqənin yerinin dəyişdirilməsi şərtini irəli sürürlər.  Bəyanatın hansı müğənnilər tərəfindən imzalandığı açıqlanmayıb.news.am həmçinin onu da qeyd edib ki, martın 18-də planlaşdırılan Ermənistan milli seçim turu baş tutmayacaq. Buna başlıca səbəb kimi fevralın 23-də 20 yaşlı erməni əsgəri Albert Adibekyan öldürülməsi göstərilib.

OXŞAR XƏBƏRLƏR