“SOY” kampaniyasının prezidenti Oqtay Əliyev məlumatı təsdiqləyib: “Proqramların kəmiyyətini artırmaq fikrindəyik. Bir neçə telekanaldan təkliflər almışıq, yaxın vaxtlarda “Xəzər” və “Space” kanallarında da proqramlarımız görünəcək. Lakin “ATV” ilə əməkdaşlığa son qoymağı düşünmürük. Burada kanalın başqa sahibkara satılması ilə bağlı söhbətlər gedir. Hələlik hansı dəyişiklik gözlənilir, onu deyə bilmərəm. Lakin kanala yeni sahibkar gələrsə, qarşılıqlı razılaşma olunacağı təqdirdə bizim əməkdaşlığımız davam edə bilər. Nəticədə biz istehsalçı şirkətik və məhsullarımızı satırıq”.
Oqtay Əliyev deyib ki, şirkət hazırda “ATV” kanalında efirə gedən proqramların çəkilişi ilə məşğuldur./// lent.az
