Azərbaycan Respublikasının Prezidenti yanında Gənclər Fondunun maliyyə dəstəyi ilə C variantı üzrə 4-cü qrant müsabiqəsi çərçivəsində Azərbaycanda fəaliyyət göstərən mətbuat orqanları arasında keçirilən “Aktiv ol!” layihəsi davam edir.

AZXEBER.COM-unməlumatınagörə, martın 17-də Bqrupu üzrə ikincioyunkeçirilib.

Qrupun ikinci oyunu “Space” televiziyasının əməkdaşları ilə “İnterpress.az” komandaları arasında keçirilməsi planlaşdırılsa da, layihənin rəhbəri tərəfindən “İnterpress.az” komandasına texniki məğlubiyyət verilib.

Layihə rəhbəri Əfsələddin Ağalarovun sözlərinə görə, buna səbəb “İnterpress.az” komandasının əvvəlcədən müəyyən edilmiş vaxtda yarışda iştirak etməməsi olub:

“Oyunlar axşam saatlarında keçirilir və gün ərzində biz bir neçə dəfə komanda kapitanlarına oyunun dəqiq vaxtı ilə bağlı bir neçə dəfə məlumatlar veririk. “İnterpress.az” komandası oyun vaxtına qədər oyunda iştirak edəcəklərini bizə bildirsə də , oyun zamanı yarışda iştirak etmədikləri üçün onlara layihənin qaydalarına uyğun olaraq texniki məğlubiyyət verdik”.

Bununla da B qrupunda “Space” televiziyasın yarımfinala vəsiqə qazanan ikinci komanda olub.

Beləliklə, yarımfinala 4 komanda vəsiqə qazanıb. Bunlar Azxeber.com, Editor.az, Space televiziyası və KİV.az komandalarıdır.