Sərkisyan müsahibəsində Ankaraya mesaj göndərərək,onu hədələyib: “Əgər belə davam etsə, bizim üçün tək çıxış yolu protokollardakı imzamızı geri götürməkdir. Türkiyə təsdiqləsə belə bunun heç bir mənası qalmaz. Türkiyə böyük dövlətdir, onun iqtisadiyyatı son illərdə ciddi şəkildə böyüyüb. Bütün bunları anlayırıq. Amma bu o demək deyil ki, onlar bizim üçün ağıl müəllimliyi etməlidir. Türklər bizə oyunbazlıq edə bilməz".
Sərkisyan bölgədə müharibə tərəfdarı olmadıqlarını və Dağlıq Qarabağ probleminin tək həlli üçün bölgədə xalq referendumunun lazım olduğunu vurğulayıb. O, Rusiyanın bölgədəki sülh rolundan danışaraq, Azərbaycanı da həddindən artıq silahlanmaqda günahlandırıb.
