AZXEBER.COM Xezerxeber.az-a istinadən xəbər verir ki, yeni qaydaya əsasən, Xankəndidən Şuşa şəhərinə giriş və çıxış müvafiq olaraq İstiqlal və 8 Noyabr küçələri üzrə birtərəfli hərəkət prinsipi ilə təşkil olunub.
Aidiyyəti qurumlar həmin küçələrdə yol nişanları quraşdırıb, həmçinin təhlükəsizlik və nəzarət tədbirləri gücləndirilib. Məqsəd şəhərdə nəqliyyat axınının daha səmərəli idarə olunması, sıxlığın azaldılması və yol təhlükəsizliyinin artırılmasıdır.
Yerli sakinlər edilən dəyişiklikləri müsbət qiymətləndirirlər. Onların sözlərinə görə, əvvəlki hərəkət istiqaməti xüsusilə şəhərin girişində, o cümlədən Şuşa qalası ətrafında müəyyən çətinliklər yaradırdı. Yay aylarında Şuşaya gələn qonaqların və turistlərin sayının artması nəqliyyat sıxlığını daha da artırırdı ki, bu da həm sakinlərin gündəlik hərəkətinə, həm də şəhərin ümumi nəqliyyat axınına təsir göstərirdi.
Müvafiq qurumlar vətəndaşlara yol hərəkəti qaydalarına və quraşdırılmış nişanların tələblərinə ciddi əməl etməyi tövsiyə edirlər. Bildirilir ki, edilən dəyişikliklər Şuşada nəqliyyatın daha təhlükəsiz və səmərəli təşkili məqsədi daşıyır. Gələcəkdə şəhərin artan turizm və ictimai fəallığı nəzərə alınaraq davamlı şəkildə təkmilləşdirilə bilər.
