Bu gün “İtirilmiş gələcək - Aygün” sənədli filminin təqdimat mərasimində millət vəkilləri sərt bəyanatla çıxış ediblər.AZXEBER.COM xəbər verir ki, sənədli film daxilində erməni terrorçularının partlayıcı maddə quraşdırdıqları oyuncağın işə düşməsi nəticəsində bir il əvvəl həlak olmuş 11 yaşlı Aygün Şahmalıyevaya həsr olunub. Filmin təqdimatından əvvəl çıxış edən ombudsman, millət vəkili Elmira Süleymanova Ermənistanda etnik təmizləmə nəticəsində regionda yaranmış mövcud durumu faşist Almaniyasının apardığı siyasətlə müqayisə edib. Bildirib ki, erməni təcavüzkarlığına görə regiondakı mövcud münaqişəni tənzimləmək üçün yaradılmış beynəlxalq qurumlar tam passiv mövqedədirlər: "Dünya birliyi sanki kardır, kordur, laldır. BMT özü də qərəzli siyasət yürüdür, ikili standart nümayiş etdirir".
