Azərbaycan Prezidenti İlham Əliyev Tahir Salahovun ev-muzeyinin yaradılması haqqında sərəncam imzalayıb.
Prezidentin sərəncamına əsasən, Nazirlər Kabinetinə Tahir Salahovun özünün rəsm əsərlərindən ibarət kolleksiyasını və şəxsi arxivini Azərbaycan dövlətinə bağışlaması təklifi nəzərə alınmaqla, iki ay müddətində Bakı şəhəri, Səbail rayonu, İçərişəhər, İlyas Əfəndiyev küçəsi, 55/3-cü İlyas Əfəndiyev döngəsi, 1 ünvanında Tahir Salahovun ev-muzeyinin yaradılması ilə bağlı zəruri tədbirlərin həyata keçirilməsinin təmin edilməsi tapşırılıb.
