ABŞ prezidentliyi postunda son günlərini yaşayan Barak Obama bundan sonra hansı vəzifədə çalışacağını açıqlayıb.
Obama "Mitu” telekanalında aktrisa Cin Rodrigez ilə müsahibəsi zamanı zarafatla vəzifə səlahiyyətləri başa çatandan sonra "Uber” avtomobil daşınması xidmətində sürücü kimi çalışacağını bildirib. Lakin bundan əvvəl hazırki prezident bir neçə həftə yatmaq istədiyini dilə gətirib.
"Düzünü desəm, biz həssas gənclər qrupu ilə çalışmağa, qızların da oğlanlar kimi təhsil alması istiqamətində səylərimizi artırmağa davam edəcəyik. Odur ki, indi etdiyimiz hər işi etməyə davam edəcəyik. Yeganə fərq odur ki, bizdə ABŞ prezidentlərini daşıyan təyyarə olmayacaq”, -deyə Obama qeyd edib.
Konqresin və "Ağ Ev”in fəaliyyətini işıqlandıran yerli "The Hill” qəzeti də Obamanın "Uber” barədə açıqlamasını zarafat adlandırıb.
Barak Obama 2017-ci ilin yanvarında ABŞ prezidentliyi postunu noyabrın 8-də keçirilən prezident seçkilərində qalib gələn Donald Trampa təslim edəcək.(AzNews.az)
