''Taksi sürücüləri ilə mübarizə aparmaqdan bezmişik''
Bütün Xəbərlər
16:41 07.11.2012
976
Dayanacaqlarda dayanıb avtobusların gediş-gəlişinə mane olan taksi sürücələrinə qarşı Nəqliyyat Nazirliyinin apardığı mübarizə tədbirləri davam edir. Amma buna baxmayaraq taksi sürücüləri bu istəklərindən vaz keçmir və avtobus dayanacaqlarını zəbt etməkdə davam edirlər. Şəhərin müxtəlif istiqamətlərində bu mənzərəyə rast gəlmək olar. Az qala iki sıraya düzülmüş taksilərin əlindən avtobuslar dayanacağa yaxınlaşa bilmir, nəticədə avtobusu yolun düz ortasında saxlamağa məcbur olan sürücülər sərnişinlərin təhlükəsizliyinə heç bir təminat vermir. Taksi sürücüləri isə vəziyyətin belə olmasını onlar üçün xüsusi dayanacaqların olmaması ilə əsaslandırırlar.Avtobusların gediş-gəlişinə nəzarət edən dispetçerlər isə deyir ki, “taksi sürücüləri ilə mübarizə aparmaqdan bezmişik”.
