O, mənzilində təbii qazdan istifadə etdiyini də qeyd etdi. Zəhərlənmə zamanı onun və ailə üzvlərinin səhhətlərində ciddi problemlərin yarandığını deyən hüquq müdafiəçisi qeyd etdi ki, qonşuluqda yaşayan həkimin ilkin tibbi yardım etməsi nəticəsində onlar sağ qalıblar və bundan sonradan ora təcili yardım çağırılıb. Hazırda səhhətində problemlərin olduğunu deyən İ.Cavadova paytaxtda belə halların tez-tez yarandığını deyərək aidiyyəti qurumlara çağırış etdi:
“Qaz idarələri mənzillərə verilən qazın verilməsinə və tərkibinə diqqət yetirməlidirlər. Hərdən qaz mənzillərə çox təzyiqlə verilir. Bu səbəbdən də belə xoşagəlməz hallar baş verir. Bundan əlavə binaların bacaları illərlə təmizlənmir. Bunun nəticəsində də mənzillərə dəm qazı sızır. Ən azı həmin bacalar 3 ildən bir təmizlənməlidir. Amma binaların bacaları 15 ildir ki, təmizlənmir. Bütün bu hallar təhlükəlidir. Aidiyyəti qurumlar bu məsələdə məsuliyyətli olmağa çağırıram”.
Qeyd edək ki, bir neçə gün öncə paytaxtda bir gündə dəm qazından zəhərlənmə nəticəsində 3 nəfər ölmüşdü, 28 nəfər isə xəstəxanaya yerləşdirilmişdi.
