İsveçrənin ən qədim banklarından olan “Wegelin” bankı fəaliyyətini dayandıracaq.AZXEBER.COM-un “RİA Novosti” agentliyinə istinadən verdiyi məlumata görə, buna səbəb bankın ABŞ vətəndaşlarına vergidən yayınmasına kömək etməsi olub.Bankın rəhbərliyi Nyu-York məhkəməsində etiraf edib ki, 10 il ərzində bank 100 min nəfər ABŞ vətəndaşına 1.2 milyard dollardan çox vergidən yayınmağa kömək edib. Bu səbəbdən də bank Amerika hökumətinə 58 milyon dollar cərimə ödəməyə razılıq verib. Bu prosedur başa çatdıqdan sonra “Wegelin” bank kimi fəaliyyətini dayandıracaq.
