Təbriz və Urmiyada yüzlərlə azərbaycanlı həbs edildi
Bütün Xəbərlər
13:33 29.08.2011
1459
“Təbrizdə və Urmiyada avqustun 27-də keçirilən aksiyalar zamanı geniş həbslər aparılıb. Həbsdə olanların sayının yüzdən artıq olduğu haqqında məlumatlar var. Onların arasında qadın da var: Təbrizdə Ruqəyya Həsənzadəni həbs ediblər”. İranda Azərbaycanlı Siyasi Məhbsuların Müdafiə Assosasiyasının rəhbəri Vahid Qaradağlı AzadlıqRadiosuna belə deyib. O, Ərdəbildə də həbslər aparıldığını deyir: “Ərdəbildə tanınmış hüquq fəalı Abbas Lisaninin mağazasına ETTELAT nümayəndələri gedib. Orda iki fəal saxlanıb: Rəhim Qulami və Məhəmməd Bədəli. Abbas Qulamini saxlamaq istəyəndə müqavimət göstərib. Hələlik son durumla bağlı məlumat yoxdur. Ərdəbildə Mehdi Qulami də həbs olunub. Yaralıların olması dəqiqdir. Onlar yardım üçün xəstəxanalara da müraciət ediblər”. Vahid Qaradağlı deyir ki, son hadisələrlə bağlı beynəlxalq qurumlara müraciət edəcəklər.
