Suriyada Bəşər Əsəd rejiminə qarşı müharibə aparan "Əl Qaidə" terror təşkilatı ilə əlaqəli "Əl Nusra" qruplaşması oğurluq etməkdə günahkar bilinən 2 adamın əllərini kəsib. Hələb yaxınlığındakı Əl Bukamal oğurluq edərkən tutulan iki nəfər barədə terrorçu təşkilatın Şəriət Komitəsi qərar verib. Verilən qərardan dərhal sonra həmin 2 nəfərin əlləri onlarla adamın gözləri qarşısında kəsilib. Bu hadisə anbaan video görüntüyə çəkilərək internetə yerləşdirilib. Terrorçular videonu yaymaq səbəbini oğurluğun aqibətinin necə olacağını göstərmək səbəbi ilə izah edib.
