Elon Maskın rəhbərlik etdiyi Tesla şirkəti Teksasın Ostin şəhərində "robotaksi” adlandırılan sürücüsüz taksi xidmətini istifadəyə verib.
AZXEBER.COM Türkiyə mediasına istinadən xəbər verir ki, bu barədə Mask "X" hesabında paylaşım edib.
O, paylaşdığı görüntülərdə sükan arxasında sürücü olmayan Tesla Model Y avtomobilləri yer alıb. Avtomobillər "Full Self-Driving” (FSD) proqramı və ən azı 8 kamera ilə işləyir.
Xidmət hazırda 4,20 dollar sabit tariflə təqdim olunur və yalnız təhlükəsiz hesab edilən ərazilərdə fəaliyyət göstərir. Pis hava və mürəkkəb yol şəraitindən qaçılır, 18 yaşdan aşağı sərnişinlər qəbul edilmir.
Tesla ilkin mərhələdə avtomobillərdə "təhlükəsizlik müşahidəçisi” ilə birlikdə 10 avtomobil istifadəyə verəcək.
Teksasda sentyabrda qüvvəyə minəcək yeni qanunlara əsasən, sürücüsüz avtomobillərin yollarda hərəkət etməsi üçün rəsmi icazə tələb olunacaq və təhlükə halında bu icazələr ləğv edilə biləcək.
Oksana
