Tovuz rayonunda “Milli-mənəvi dəyərlərin qorunmasında gənc jurnalistlərin rolu” müzakirə edilib.
Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilən layihədə məqsəd milli-mənəvi dəyərlərimizin qorunmasında gənc jurnalistlərin rolunu artırmaqdır. TTV-də keçirilən müzakirələrdə jurnalistlər milli-mənəvi dəyərlərin qorunmasında mövcud problemləri səsləndirib.
Dəyərlərimizin qorunması ilə bağlı təkliflərini səsləndirən jurnalistlər Tovuz rayonunun cəbhə bölgəsində yerləşməsini nəzərə alaraq vətənpərvərlik mövzusunun daha çox qabardılmasını, Vətənə sevginin aşılanmasının vacib olduğunu qeyd edib.
Bundan əlavə ermənilər tərəfindən oğurlanan dəyərlərimizə sahib çıxmaq, ailə dəyərlərini təbliğ edən süjetlərin hazırlanmasına diqqət yetirilməsi və milli sahəyə xüsusi nəzər yetirilməsinin vacibliyi qeyd edilib.
