ABŞ Prezidenti Donald Tramp jurnalistlərə açıqlamasında əvvəlcə çox ciddi səhhət problemləri olduğunu bildirsə də, sonradan "bu bir zarafatdır" deyərək sağlıq durumundan danışıb.
Tramp özünü şanslı hesab etdiyini deyib: "Şanslı adamam. Siqaret çəkmirəm, içki içmirəm və spirtli içkiyə həvəsim yoxdur. İçki içən dostlarım var və onlar çox çətinlik çəkirlər. Onlar asılılıq içindədirlər. Onlardan uzaq durmaqda çox çətinlik çəkirlər. Narkotiklər, yəqin ki, daha da pisdir. Bu, yəqin ki, spirtli içki ilə eynidir. Amma əgər içmirsinizsə, narkotik qəbul etmirsinizsə və siqaret çəkmirsinizsə, heç bir problem yoxdur. Başqa problemlərim də var. Çox ciddi sağlamlıq problemlərim var, amma bu, onlardan biri deyil. Onları siyahıma əlavə etmək istəmirəm", - deyə 80 yaşlı Amerika lideri Ağ Evin cəmənliyində çıxış edərkən bildirib.
Tramp qeyd edib ki, media onun problemləri haqqında yazacaq: "Səhhətimdəki problemləri siyahıya əlavə etmək istəmirəm, çünki etsəydim, indi burada olmayacağıma zəmanət verirəm. Beləliklə, bunlar mənim olmayan üç problemimdir və bu, əslində yaxşıdır. İndi mətbuat soruşacaq; onun hansı problemləri var? Heç bir problemin yoxdur. Sadəcə jurnalistlərə zarafat etdim. Onlar gözəl insanlardır".
May ayında Trampın tibbi müayinəsinin nəticələri onun sağlam olduğunu göstərib.
///teleqraf///
