ABŞ Prezidenti Donald Tramp Vaşinqton və Tehranın Hörmüz boğazının avqustun 4-də açılması imkanını müzakirə etdiklərini bəyan edib.
AZXEBER.COM bu barədə "İnterfax" agentliyinə istinadən xəbər verir.
"Biz boğazın artıq sabaha qədər açılmasından danışırıq. Söhbət onun tam açılmasından gedir", - deyə Tramp Ağ Evdə jurnalistlərə bildirib.
ABŞ Prezidenti vurğulayıb ki, bu, danışıqların ilk mərhələsi olmalıdır və yalnız bundan sonra İranın nüvə proqramının müzakirəsinə başlanılacaq.
Ağ Evin rəhbəri həmçinin qeyd edib ki, bazar ertəsi gec saatlarda və ya çərşənbə axşamı danışıqların nəticə verib-vermədiyini daha aydın şəkildə görmək mümkün olacaq.
Tramp Tehranla aparılan hazırkı danışıqları münaqişənin dinc yolla həlli üçün İranın son şansı hesab etdiyini bildirib.
