Ukraynada qəhrəmanlıq edən qardaşlar səfirlərlə görüşdü
SOSİAL
16:58 31.01.2019
3545
Kiyev şəhər Dövlət Administrasiyasında Holokost Qurbanlarının Beynəlxalq Anım Gününə həsr edilmiş "Altı milyon ürək” adlı tədbir keçirilib.
AZXEBER.COM xəbər verir ki, İsrailin Ukraynadakı səfirliyi, Ukrayna Yəhudi Forumu və Ukrayna Millətlər Assambleyasının təşkilatçılığı ilə keçirilən tədbirdə xarici diplomatik korpuslarının rəhbərləri, beynəlxalq təşkilatlar, Ali Radanın deputatları, Ukraynanın tanınmış ictimai-siyasi xadimləri iştirak ediblər.
Tədbirdə çıxış edən Ukrayna Millətlər Assambleyasının, Birləşmiş Ukrayna Azərbaycanlıları Konqresinin sədri Rövşən Tağıyev Holokost soyqırımını Xocalı soyqırımı ilə müqayisə edib. Bildirib ki, tarixdə belə soyqırım faktlarının baş verməməsi üçün dünya ictimaiyyəti bu cür hallara qarşı amansız mübarizə aparmalıdır.
Rövşən Tağıyev daha sonra ukraynalı ailəni ölümdən xilas edən soydaşlarımız Umud və Sabir Şirinov qardaşlarını auditoriyaya təqdim edib. Onların qəhrəmanlıqları tədbirdə iştirak edən 30-a yaxın səfirin alqışlarına səbəb olub.
Daha sonra Ukrayna mədəniyyət naziri Yevqeniy Nişikunun təşəkkür məktubu və Ukrayna Millətlər Assambleyasının və BUAK rəhbəri Rövşən Tağıyevin fəxri diplom və hədiyyələri Şirinov qardaşlarına təqdim edilib.
OXŞAR XƏBƏRLƏR
ƏN SON XƏBƏRLƏR
