Azərbaycan Respublikasının İstanbul şəhərindəki Baş Konsulluğu tərəfindən Ukraynadan gələn vətəndaşlarımızın təxliyyəsi davam edir.
AZXEBER.COM xəbər verir ki, hazırda, quru və hava yolu ilə Ukraynanın müxtəlif bölgələrindən İstanbul şəhərinə gələn Azərbaycan vətəndaşlarının İstanbul şəhərindən Azərbaycan Respublikasına təxliyyəsi üçün Baş Konsulluq tərəfindən bütün lazımi tədbirlər görülməkdədir.
Bu məqsədlə Azərbaycanın Türkiyədəki Səfirliyi ilə birgə müvafiq tədbirlər planı hazırlanaraq həyata keçirilir. Sənədləri olmayan vətəndaşların müvafiq yol sənədi ilə təmin olunması, COVİD-19 testi olmadan quru və hava yolu ilə dərhal vətənə yola salınması və digər məsələlərin həlli üçün bütün imkanlar səfərbər olunub. Baş Konsulluq tərəfindən bundan sonra da təxliyyə tədbirləri davam etdiriləcəkdir.
Hazırda Baş Konsulluğun 2 qaynar xətti daimi əsasda 24/7 fəaliyyət göstərməkdədir. Ukraynadan gələn Azərbaycan vətəndaşlarının vəya onlar haqqında məlumatı olan şəxslərin aşağıdakı nömrələr vasitəsilə əlaqə saxlamaları xahiş edilir:
+90 544 104 0111
+90 536 613 8648
