Fonddan AZXEBER.COM portalına verilən məlumata görə, “Qaçqın” - Dağlıq Qarabağ münaqişəsini Xocalı şəhərindən olan 8 yaşlı Anar Usubovun gözləri ilə təsvir edən filmdir. Filmdə ata-baba torpağına qayıda bilməyən Anar öz qaçqın hekayəsini paylaşır. Kino Amerika ictimaiyyətini Qarabağlı qaçqınların mübarizəsi, münaqişə, Azərbaycan və Qafqaz haqqında məlumatdırır.
Təqimat mərasimindən öncə Qarabağ Fondunun dəvəti ilə Vaşinqtona səfər etmiş filmin müəllim Türkiyəli jurnalist Cem Oğuz tamaşaçılar ilə öz fikirlərini, film üzərində işləyərkən keçirdiyi hissləri paylaşmışdır. Filmin təqdimatına ABŞ-da yaşayan Azərbaycan diasporasının nümayəndələri, burada təhsil alan tələbələr, tanınmış ictimai xadimlər, kinoşünaslar iştirak etdilər. Filmin təqdimatından öncə Qarabağ Fondunun İcraçı direktoru Diana Altmanın dəvəti ilə Xocalıda şəhid olmuş Azərbaycan vətəndaşlarının xatirəsi bir dəqiqə sükut ilə yad edildi.
Qarabağ Fondu ABŞ-da yaradılmış və mərkəzi ofisi Vaşinqton şəhərində yerləşən qeyri hökumət təşkilatıdır. Bu təşkilat ABŞ-da QHT-lərə verilən yüksək 501 (C) 3 statusuna sahibdir. Fondun əsas məqsədi Azərbaycan, onun Qarabağ bölgəsi və bütünlükdə Qafqazı amerikalılara tanıtmaq, Azərbaycan mədəniyyəti və musiqisini Amerikada tərənnüm və təbliğ etməkdən ibarətdir. Buna nail olmaq üçün Qarabağ Fondu ABŞ-da müxtəlif sərgi, ictimai proqram, forum və mübadilə proqramlarının həyata keçirir.
