Əməkdar artist Vasif Məhərrəmli "7 canlı" proqamına qonaq olub.
AZXEBER.COM xəbər verir ki, efir zamanı ifaçı əsgərlikdə bir çox səhvlər etdiyini bildirib. Məhərrəmli bu səbəbdən də hərbi xidmətdən evə gec buraxılıb. Əməkdar artist anasının o sağ-salamat qayıtsın deyə etdiyi niyyətdən də danışıb:
"Mən bir az şuluq və dələduz uşaq olmuşam. Əsgərlikdə olarkən cəzalarım da çox olub. Ən son mən və çeçen dostum Ruslan Beşayev buraxıldıq. Orada etdiklərimizə görə bizi gec buraxdılar. And olsun Allaha, artıq anamgil narahat idilər. Hərbi xidmətdən buraxıldıqdan sonra 10 gün də şəhərdə qaldım.
Mənim əsgərlikdən evə gəlməyim 2 aydan çox çəkdi. Bundan sonra anam qorxdu. Şübhələnib hərbi komissarlığa gedib. Niyyət edib ki, sağ-salamat qayıtsam, 7 qarış torpaq yalayacaq. Mən evə gedəndə xəbər etməmişdim".
