"WUF13-ün Azərbaycanda keçirilməsi ölkənin beynəlxalq arenada yeni bir zirvəyə çıxmasının simvoludur”.
Bu fikirləri AZXEBER.COM-a açıqlamasında Milli Məclisin deputatı Naqif Həmzəyev deyib.
O bildirib ki, bu platforma ümumdünya şəhərləşmə böhranlarına konkret həllər axtarmaq məqsədi daşıyır:
Bu forum BMT-nin İnsan Yaşayış Məntəqələri Proqramı tərəfindən təşkil olunan şəhərsalma sahəsindəki ən nüfuzlu qlobal konfransdır. Tarixin bu səhifəsi Azərbaycan üçün nəinki bir ev sahibliyi şərəfi, həm də ölkənin beynəlxalq arenada yeni bir zirvəyə çıxmasının simvoludur.
Dünya Şəhərsalma Forumu hökumətləri, bələdiyyə başçılarını, şəhərsalma ekspertlərini, habelə hökumət nümayəndələrini, özəl sektoru, vətəndaş cəmiyyətini və beynəlxalq təşkilatları bir araya gətirir. Bu platforma hər dəfə ümumdünya şəhərləşmə böhranlarına konkret həllər axtarmaq məqsədi daşıyır. Forumun real gücü dialoq, bilik mübadiləsi və siyasət formalaşdırma sahəsindəki misilsiz imkanlardadır”.
Parlamentari qeyd edib ki, dünyada təxminən 300 milyondan çox insanın evi yoxdur:
"Hazırda dünyada təxminən 2,8 milyard insan qeyri-adekvat yaşayış şəraitindədir, 300 milyondan çox insanın isə heç bir evi yoxdur. Bu problemlər iqlim dəyişikliyi, silahlı münaqişələr və artan bərabərsizlik nəticəsində daha da kəskinləşir. Sürətlə böyüyən qeyri-rəsmi yaşayış məntəqələri bu günə kimi 1,1 milyard insanın məskəninə çevrilib. Gələcək onilliklər ərzində bu rəqəmin daha iki milyard artacağı proqnozlaşdırılır. 2050-ci ilə qədər dünya əhalisinin artımının üçdə ikisi şəhərlərdə baş verəcək. 2035-ci ilə qədər isə dünyanın ən yoxsul əhalisi əsasən şəhər ərazilərində yaşayacaq. Bu statistikalar WUF13-ün nə qədər vacib bir anda keçirildiğini açıqca ortaya qoyur. Altı gün ərzində WUF13 hökumətləri, bələdiyyə başçılarını, vətəndaş cəmiyyətini, akademik dairələri, özəl sektoru və icmaları 300-dən çox tədbirə- yüksək səviyyəli dialoqlara, assambleylərə, dəyirmi masa müzakirələrinə, xüsusi sessiyalara, tərəfdaş tədbirlərinə və Şəhər Ekspozisiyasına qovuşdurur.
WUF13-ün altı Dialoqu mənzil məsələsini müxtəlif rakurslardan araşdırır. mənzilin insan hüququ kimi tanınması, onun müxtəlif idarəetmə səviyyələrindəki siyasətin mərkəzinə yerləşdirilməsi və hamı üçün adekvat mənzilin təmin edilməsinin daha əhatəli tərəqqiyə necə zəmin yarada biləcəyi öyrəniləcək”.
Deputat vurğulayıb ki, "Bundan əlavə, ilk dəfə olaraq WUF-un tarixində Liderlik Sammiti formatı tətbiq edilir. bu, qlobal şəhər prioritetlərini müzakirə etmək üçün yüksək səviyyəli siyasi dialoq platformasıdır. Forumun nəticəsi olaraq hazırlanacaq "Bakı Fəaliyyət Çağırışı"- qlobal mənzil böhranının həllini sürətləndirməyə yönəlmiş bu sənəd, 2026-cı il BMT Baş Katibinin hesabatına birbaşa töhfə verəcək. Həmçinin, WUF13 çərçivəsində mənzil məsələsinə xüsusi diqqət ayıran "2026 Dünya Şəhərləri Hesabatı" da təqdim ediləcək.
"Yeni Şəhər Gündəliyi"nin Yarıyol Yoxlaması WUF13, "Yeni Şəhər Gündəliyi"nin həyata keçirilməsinin orta nöqtəsində- 20 illik dövrün tam ortasında keçirilir və qlobal müzakirələrin formalaşdırılmasında həlledici rol oynayacaq. Azərbaycanın sədrliyi ilə keçirilən Nazirlər Görüşü "Yeni Şəhər Gündəliyi"nin həyata keçirilməsini qiymətləndirmək, mövcud uçurumları müəyyən etmək və 2036-cı ilə qədər olan dövr üçün tədricən sürətlənmə yollarını müzakirə etmək imkanı yaradır. Görüşün nəticələri 2026 HLPF müzakirələrinə və WUF13-ün başlıca sənədlərindən biri olan "Bakı Fəaliyyət Çağırışı"na töhfə verəcək”.
O deyib ki, WUF13, Qafqaz regionunda ilk dəfə keçirilən belə bir forum olmaqla, Azərbaycana əvvəzsiz bir imtiyaz qazandırır:
"WUF13-ün paytaxtımızda keçirilməsi Azərbaycan hökumətinin şəhərsalma sahəsindəki islahatlar, ölkə daxilindəki genişmiqyaslı layihələr və qlobal gündəliyə töhfəsi sayəsində qazandığı beynəlxalq nüfuzun bariz nümunəsidir. WUF13, Qafqaz regionunda ilk dəfə keçirilən belə bir forum olmaqla, Azərbaycana əvvəzsiz bir imtiyaz qazandırır. COP29 Azərbaycanı qlobal iqlim xəritəsinə qoydu. WUF13 isə ölkənin şəhər siyasəti və praktikasını formalaşdırılmasındakı strateji rolunu möhkəmləndirə bilər. Bu iki böyük hadisənin ardıcıl olaraq Bakıda keçirilməsi, Azərbaycanın beynəlxalq diplomatik çəkisinin mütərəqqi artımını göstərir. WUF13 ilə eyni vaxtda Prezident İlham Əliyev 2026-cı ili Azərbaycanda "Şəhərsalma və Memarlıq İli" elan edib. Bu addım ölkənin paytaxt və bölgə şəhərlərindəki şəhər inkişafına, memarlıq mədəniyyətinə və davamlı planlaşdırma strategiyalarına olan davamlı diqqəti vurğulayır”.
N.Həmzəyev qeyd edib ki, forum beynəlxalq şirkətlər, investorlar və sahibkarların Azərbaycandakı imkanlara marağını artıracaq:
"Azərbaycanın Qarabağ və Şərqi Zəngəzurda həyata keçirdiyi "Ağıllı Şəhər" və "Ağıllı Kənd" konsepsiyaları dünyada həqiqətən unikal nümunədir. Hər şey sıfırdan müasir yaşıl texnologiyalar əsasında inşa edilir. Bərpa olunan enerji, ağıllı resurs idarəçiliyi, rəqəmsal xidmətlər buna daxildir. Bu, post-münaqişə şəraitindəki bərpa modelinin ən maraqlı nümunələrindən birini təmsil edir. WUF13-ün əhəmiyyəti daşınmaz əmlak bazarı, tikinti materialları sektoru, ağıllı və davamlı şəhər inkişafı, habelə yaşıl mənzil həllərinin irəliləyişi üzərindəki çoxsaylı sosial-iqtisadi dividendlərdir. Forum beynəlxalq şirkətlər, investorlar və sahibkarların Azərbaycandakı imkanlara marağını da artıracaq. WUF13 iştirakçıları miras ilə innovasiyanın yan-yana inkişaf etdiyi, insanın inkişafın mərkəzini tutduğu dinamik bir şəhərlə qarşılaşacaq. Xəzər dənizi sahilindəki Bakı, həqiqi mənada Şərq ilə Qərb, ənənə ilə tərəqqi arasında körpüyə çevrilib. 182 ölkədən 40.000-dən çox nümayəndə Bakıya toplaşdıb. bu da WUF13-ü BM-in davamlı şəhərləşmə üzrə ən böyük konfransına çevirib”.
Şahanə Ziyad
