Xalq artisti, tanınmış aktyor Arif Quliyev həyat yoldaşının səhhətindən danışıb.
Azxeber.com bildirir ki, yenicag.az-a açıqlama verən aktyor bu barədə xəbərlərin yayılmasına qarşı olduğunu bildirib:
"Oğlum deyib ki, anasının səhhəti ağırdır, pula ehtiyacımız var. Çox nahaq. Həyat yoldaşım çoxdan xəstədir, müalicə olunur. Müalicə xərclərini də özümüz ödəyirik. Heç kimdən pul istəmirik. Həyat yoldaşım onunla bağlı xəbər yayılmasının əleyhinədir. Xanımım buna gərə utanır. Deyir ki, istəmirəm Arif Quliyevin xanımına kiminsə yazığı gəlsin. Onsuz da özümün səhhətim pisləşəndə təmənnasız müalicə etdilər, bir qəpik də xərcim çıxmadı. İndi xanımım da serrozdan müalicə alır, Allah köməyimiz olsun".
