Xalq yazıçısı Anara "Qazaxıstan Respublikasının müstəqilliyinin 20 illiyi" medalı təqdim olunub.Trend-in məlumatına görə, Azərbaycan Yazıçılar Birliyinin Natavan klubunda xalq yazıçısı Anara "Qazaxıstan Respublikasının müstəqilliyinin 20 illiyi" diplomunun və yubiley medalının təqdim olunması mərasimi keçirilib.Qazaxıstanın Azərbaycandakı səfiri Serik Primetov Anara diplom və yubiley medalı, xatirə hədiyyəsi təqdim edib.Səfir deyib ki, Anar bu yüksək mükafata Azərbaycan-Qazaxıstan ədəbi əlaqələrinin inkişafında və möhkəmlənməsində böyük xidmətlərinə görə layiq görülüb.Səfir qeyd edib ki, Qazaxıstan Prezidenti Nursultan Nazarbayevin fərmanı ilə bu mükafata, həmçinin xarici işlər naziri Elmar Məmmədyarov, fövqəladə hallar naziri Kəmaləddin Heydərov, sənaye və energetika naziri Natiq Əliyev layiq görülüblər.
