Bu şanlı qələbəyə dünya azərbaycanlıları ürəkdən sevinir. Xaricdəki soydaşlarımız da böyük sevinc və coşğu ilə bu qələbəni qeyd ediblər. Bu bir daha göstərir ki, diaspor üzvləri də cismən Vətəndən uzaqda olsaq da, qəlbən doğma yurdumuzla nəfəs alırırlar… 

İllərdir həsrətində olduğumuz Qələbə xəbərini eşitməkdən qürur duyduq. Şəhidlərimizin qanı hesabın işğaldan azad olunan hər qarış torpağımızı qəlbimizin bir hissəsi bilirik. Xalqımız bu milli məsələdə birləşib düşmənə mübarizə aparmaq gücünü ortaya qoydu. 

Azərbaycan, Rusiya prezidentləri və Ermənistanın baş nazirinin noyabrın 10-da imzaladığı üçtərəfli bəyanat Kəlbəcərin geri qaytarılmasını təmin etdi. Azərbaycan Vətən müharibəsinin 44 günü ərzində  4 rayonu, Şuşa  və Dağlıq Qarabağdakı digər torpaqlarımızın mühüm hissəsini hərbi yolla işğaldan azad etmişdisə, noyabrın 20-də Azərbaycana qovuşan Ağdamı, 25-də isə Kəlbəcər rayonunu siyasi yolla nəzarəti altına keçirdi. Kəlbəcər də Müzəffər Ali Baş Komandanın İkinci Qarabağ müharibəsində yürütdüyü hərbi-siyasi yolun davamı olaraq bir güllə atılmadan azad edildi və düşmən rayondan çıxmağa məcbur edildi. Bu, Azərbaycanın döyüş meydanında olduğu kimi diplomatik danışıqlarda da qalib olmasının göstəricisidir. Kəlbəcərin qaytarılması Azərbaycanın möhtəşəm tarixi Qələbəsinin daha bir təsdiqidir.  

Noyabrın 25-də Prezident İlham Əliyev Kəlbəcərin işğaldan azad olunması ilə bağlı xalqa müraciət edib.  Prezident müraciətində deyib ki, Kəlbəcərin tarixi abidələri bizim böyük sərvətimizdir. Həm məscidlər, həm kilsələr bizim tarixi sərvətimizdir: "Bunu təsdiqləyən bir çox tarixi sənədlər var. Sadəcə olaraq, erməni "tarixçiləri” və saxtakarlar qədim alban kilsələrini saxtakarlıqla erməniləşdiriblər, öz yazılarını oraya əlavə ediblər və bu kilsələri özününküləşdiriblər.   Narahatlıq ifadə etmək istəyən bəzi Qərb dairələri bizim dağılmış məscidlərə baxsınlar. Məscidlərin dağıdılmasına etiraz edilməməsi Qərb ölkələrinin ikili standartlarının, islamofobiyanın, xristian təəssübkeşliyinin təzahürdür”.

Dünya azərbaycanlıları bu gün bir yumruq kimi birləşib Prezident İlham Əliyevi dəstəkləyir. Hər bir soydaşımız Azərbaycan dövləti, Ali Baş Komandanın ətrafınızda toplaşıb. Ölkə başçısının cəsarətli addımları bizləri ruhlandırır və bir daha azərbaycanlı olmağımızla fəxr edirik.