Dövlət İmtahan Mərkəzinin sektor müdiri Könül Qədirova bildirib ki, 11 illik tam orta təhsil səviyyəsində xarici dillər üzrə imtahan modelində dəyişiklik edilib.
AZXEBER.COM-un Xezerxeber.az-a istinadən məlumatına görə, dəyişikliyə əsasən, gələn ildən ümumi orta və tam orta təhsil səviyyələri üzrə buraxılış imtahanlarında xarici dil üzrə şagirdlərdən minimum 100 sözdən ibarət kiçik həcmli paraqraf yazmaları tələb olunacaq.
Sektor müdirinin sözlərinə görə, abituriyentlərin yazdığı mətnlər bir neçə meyar əsasında qiymətləndiriləcək.
Könül Qədirova xarici dil fənni üzrə yazılacaq mətn üçün bal limitinin təyin edilib-edilməməsinə də toxunub.
Buraxılış imtahanında xarici dillər üzrə yeni imtahan modelinin tətbiqi məqsədilə şagirdlərə 15 dəqiqə əlavə vaxt verilməsi də nəzərdə tutulur.
