"Mən özüm elə də xəstələnən adam deyiləm".
Xəbər verdiyimiz kimi, 1 saylı Kliniki Tibbi Mərkəzin ("Semaşko") baş həkimi Ədalət Dadaşovun xəstəxanada pasientlərin pulsuz müalicə edilməsiylə bağlı səsləndirdiyi fikirlər cəmiyyətdə birmənalı qarşılanmayıb.
AZXEBER.COM-a açıqlamasında Milli Məclisin deputatı, yazıçı Aqil Abbas dövlət xəstəxanalarında pulsuz xidmətin olduğunu, ancaq həkimlərə edilən hörmətin vətəndaşların özündən asılı olduğunu deyib:
"Mən özüm elə də xəstələnən adam deyiləm. Amma qohum-əqrəbada xəstələnənlərin yanına tez-tez gedirəm. Əsasən özəl xəstəxanalarda müayinə olunurlar. Dövlət xəstəxanalarında xidmət pulsuzdur, indi kim həkimə hörmət edirsə o başqa məsələ. Sadəcə, biz azərbaycanlılar örgəşmişik yaxşılığa yaxşılıqla cavab verməyi. Ona görə kimsə hörmət edə bilər".
