Axtarış-xilasetmə əməliyyatı aparılır.
Dağıstanın Kizlyar rayonunun Kraynovka yaşayış məntəqəsi yaxınlığında Xəzər dənizində itkin düşən 8 balıqçının axtarışları aparılır.
AZXEBER.COM -ın xəbərinə görə, bu barədə məlumat Rusiya Fövqəladə Hallar Nazirliyinin rəsmi saytında yerləşdirilib.
“4 yanvar saat 04:20 radələrində Rusiya Fövqəladə Hallar Nazirliyinin Baş İdarəsinin Dağıstan Respublikası üzrə Böhran Vəziyyətlərində İdarəetmə Mərkəzinə Kizlyar rayonunun Kraynovka yaşayış məntəqəsindən 5-6 km aralı Xəzərdə iki qayıqda 8 nəfərin fəlakətlə üzləşdiyi barədə məlumat daxil olub”, - nazirliyin məlumatında bildirilir.
Axtarış-xilasetmə əməliyyatına iki helikopter, iki gəmi, 31 şəxsi heyət cəlb edilib.
