“Qala” Dövlət Tarix Etnoqrafiya Qoruğunda “Yaşıl İqtisadiyyat” layihəsinin açılış mərasimi keçirilib.

AZXEBER.COM xəbər verir ki, layihə Gənclər və İdman Nazirliyi, “İçərişəhər” Dövlət Tarix-Memarlıq Qoruğu, İDEA kampaniyası, “Təbiət Elmləri” İctimai Birliyi, “Modern Marketing Group” və “Earth Charter International” layihəsinin dəstəyi və “İrəli” İctimai Birliyinin Yaşıllar Klubunun təşkilatçılığı ilə baş tutub.Mərasimi giriş sözü ilə açan “İrəli” İctimai Birliyinin Nəzarət təftiş komissiyasının sədri Xəqani Fərəcov layihə haqqında məlumat verib. O bildirib ki, iki gün davam edəcək layihə müddətində iştirakçılara aparıcı ekspertlər tərəfindən “Tullantıların idarə olunması”, “Təbiət və səmərəli texnologiya”,“Yaşıl marketing” mövzular üzrə təlimlər keçiriləcək. Eyni zamanda layihə iştirakçıları ətraf mühitin mühafizəsi və “yaşıl iqtisadiyyat” mövzularında layihə təklifləri hazırlayacaqlar.Daha sonra İDEA kampaniyasının layihələr üzrə koordinatoru Surxay Novruzov “Yaşıl İqtisadiyyat” mövzusunun Azərbaycan üçün nə qədər əhəmiyyətli olduğu haqda danışıb və iştirakçılara uğurlar arzu edib.Qeyd edək ki, “Yaşıl İqtisadiyyat” ekoloji düşərgəsinin keçirilməsində əsas məqsəd ətraf mühitin yaxşılaşdırılması və qorunması ilə əlaqədar cəmiyyəti maarifləndirmək, tullantısız və aztullantılı texnologiyalardan istifadə etməyin ekoloji faydaları barədə məlumatlılığın artırılması və iqtisadi inkişafın ətraf mühitə zərərli təsirlərinin azadılması istiqamətində gənclərin rolunun araşdırılmasıdır.