"Mən bu işin içində deyiləm. Ona görə mən heç nə deyə bilmərəm. Mən hansı təşkilatın üzvüyəm ki, bu cür fikir səsləndirim. Yaşlı deputatlar nəvələri ilə oynasın fikrimi söz gəlişi demişdim".
Bu sözləri AZXEBER.COM-a açıqlamasında, Azərbaycan Boks Federasiyasının vitse-prezidenti, 86 yaşlı professor Ağacan Abıyev deyib.
YAP-ın bu gün keçirilən iclasında bir çox yaşlı deputatın namizədliyi yenidən irəli sürülüb.
Bununla bağlı fikirlərini bildirən Ağacan Abıyev bu fikirləri səsləndirib:
"Əgər insanın sağlamlığı icazə verirsə, yaşından asılı olmayaraq işləyə bilər. Yaşlı deputatların namizədliyi irəli sürülə bilər. Elə yaşlı adamlar var ki, sağlamdırsa, işi bacarırsa, təcrübəsi varsa, o halda işləyə bilər. Mən onların işləməsinə səs verirəm. Biz həmin adamara deyə bilmərik ki, namizədliyini irəli sürmə. Ancaq əsas məsələ seçicinin seçimidir. Bu məqamda seçici öz fikrini bildirməlidir. Seçici seçimi etməlidir".
Günel Hüseynli
