Ermənistanda yol polisinin rəisi Marqar Ohanyan saxlanılıb. ANS PRESS Ermənistan mətbuatına istinadən xəbər verir ki, o, 100 min litrdən artıq benzinin oğurlanmasına təqsirləndirilir.
Bu günlərdə fatla bağlı başlanılan cinayət işi ilə bağlı Ohanyanın yaxınlarından biri, Ermənistan yol polisinin II zabit batalyonunun keçmiş komandiri, polis polkovniki Stepan Karaxanyan həbs edilmişdi. Yerli KİV-in məlumatına görə, polkovnik 58 mln dram (160 min dollar) dəyərində yanacağın mənimsənilməsində şübhəli bilinir. O, vəzifə səlahiyyətlərindən istifadə edərək ona etibar edilmiş benzinin yalnız yarısını 227 min litrini istifadə edib, qalanını isə mənimsəyib.
