Şənbə günü Respublika yollarında ağır yol qəzaları baş verib.
Yanvarın 17-də Azərbaycan yollarında baş vermiş avtomobil qəzaları 6 nəfərin həyatına son qoyub.
AZXEBER,COM xəbər verir ki, Baş Dövlət Yol Polisi İdarəsindən Lent.az-a verilən məlumata görə gün ərzində ümumilikdə 15 yol-nəqliyyat hadisəsi qeydə alınıb. Nəticədə dünyasını dəyişən 6 nəfərdən başqa 18 nəfər də müxtəlif dərəcəli bədən xəsarətləri alıb.
Ölümlə nəticələnən qəzalar Yevlax, Sumqayıt, Quba, Ucar, Göygöl və Xızıda baş verib.
Hər bir faktla bağlı zəruri araşdırmalar aparılır.
